Plantun de Prouvènço

Pèr coumpara dos planto d'encò nostre

Veronica fruticans & Sorbus aria

Veronica fruticans

Plantaginaceae Scrophulariaceae

Noms en français : Véronique des rochers, Véronique buissonnante.

Descripcioun :
Poulido verounico di flour bluio founço emé lou centre un pau rouge, que trachis dins li roucas e li pelouso d'auto mountagno. Li ramo soun drecho, li fueio óupousado e lusènto. La planto a ges de péu.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : Pancaro entresigna
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Veronica
Famiho : Plantaginaceae
Famiho classico : Scrophulariaceae

Ordre : Lamiales

Coulour de la flour : Bluio
Petalo : 4
Ø (o loungour) flour : Pancaro entresigna
Flourido : Estiéu

Sòu : Si
Autour basso e auto : 1200 à 2800 m
Aparado : Noun

Liò : Mountagno mejano - Auto mountagno - Roucas - Terraire safrous
Estànci : Mountagnard à Aupen
Couroulougi : Pancaro entresigna
Ref. sc. : Veronica fruticans Jacq., 1762 (= Veronica saxatilis Scop., 1771 )

Aliguié

Sorbus aria

Rosaceae

Àutri noum : Aligié, Aliguié rouge, Alouchié, Ariguié, Aubaliguié.

Noms en français : Alisier blanc, Alouchier.

Descripcioun :
L'aliguié o aligié es un pichot aubre coumun de colo e mountagno. Li fueio soun entiero, dentado e proun blanco dessouto. Li bourroun pegon pas jamai. Li fru rouge deforo e jauno dedins soun manjadis.

Usanço :
"Leis aligié fan de pigno de fruit jaune aqui, quand soun madur [...], leis auceloun òu manjon bèn acò ; es un aubre que pouò veni gros." (D. Camatte, Senès in J.-L. Domenge, EbV, op.cit.). Li fru (alijos), soun astringènt, devènon manjadis un cop a jala. A passa tèms, di tèms de carestié, lis alijo secado e mòuto, mesclado à la farino d'òrdi, servien à faire de pan.